【本報訊】獵頭公司Core Search董事總經理張慧敏指，空中服務員語言及表達能力強，懂得待人接物，擁有優秀的軟技能（soft skills），形容他們「捱得、打得」，「冇工作會唔啱佢哋做，做好多職位都有優勢」。
她為被裁打工仔打氣，強調被裁未必等於不幸，他們可趁機作新嘗試，發展個人興趣甚至創業，又指曾有不少空中服務員朋友成功轉行，被裁者不應自設框架。
逾5,000名本地國泰員工被裁後，多個行業包括酒店、保險及地產界都雪中送炭，指可優先聘用或提出招募。張慧敏建議，面試時應以積極態度面對，最忌「覺得自己不如人，又或者有怨氣」，亦不應亂寄履歷或漁翁撒網地應徵，因可能有反效果，甚至製造挫敗感打擊自信，「如果寄出成百封求職信，結果一個interview（面試）都冇，你話係咪會好沮喪？」
張又提醒，即使失業後一時找不到工作，也不應胡亂報讀一些不必要的文憑課程，因或會浪費時間及金錢，「你最值錢嘅嘢唔係喺張紙度，係你咁多年工作累積返嚟嘅技巧、應變能力同眼界，唔好捨本逐末，去浪費金錢讀一啲冇用嘅文憑。」