曾經效力無綫和亞視的資深藝人羅銘偉在9月20日因病離世，終年66歲。羅銘偉的追思會昨日在世界殯儀館舉行，明天儀式過後，靈柩將移送到歌連臣角進行火化，骨灰將由哥哥羅銘泉先帶回內地，稍後再決定如何安放。羅銘偉的靈堂上佈置簡潔，橫匾寫上「永遠懷念」，兩旁則放有羅銘泉隔離期間為弟弟撰寫的詩詞，向弟弟作最後致敬，藝人吳浣儀、曾偉明、安德尊、黃夏蕙與劉錫賢等到場送別好友。
哥哥羅銘泉表示得知弟弟去世時大感詫異，他眼紅紅地說：「當時我同太太旅行，中午聽到弟弟打嚟，佢叫我哋小心保重，防疫唔好疏忽。到夜晚7、8點就有警員用佢嘅手提電話打嚟，我就覺得好奇怪，佢同我哋講弟弟喺醫院過咗身，我當時都好詫異，覺得係假嘅。」劉錫賢與羅銘偉相識20多年，指對方熱心做慈善，是名副其實的慈善之星，他還說：「喺疫情下佢成日自己一個人食飯，我哋約咗疫情好返就去食餐好嘅，不過𠵱家食唔到呢餐。」
