【本報訊】8.31灣仔暴動案中，一對相戀八年的情侶一同被捕、一同被控，最終一同脫罪，牽手一同步出法庭。兩人裁決後受訪，坦承被控暴動罪後感到不安甚至變得懦弱，但他們仍會以不同方式堅持。
同為24歲的余德穎及莫嘉晴昨同受訪。余憶述開審前一周始得悉控方證據內容，「見到警察對我嘅指控，全部都係假嘅、生安白造，你就覺得全部係為咗鋤死你而作出呢啲證據」。莫則稱「如果搵個醒少少嘅，口調順啲嘅警察，講到似層層咁，咁我哋咪入囉」。莫嘆謂被捕至今香港變得太快，「我被捕只係一年前，𠵱家已經有國安法……一年前可能我舉白紙冇問題，一年後已經唔可以」。她希望香港人「唔好輸畀恐懼」，亦坦言起初因為被控變得懦弱，「佢哋如果要搞，實揀啲有暴動罪嘅人嚟搞」。惟她相信很多人仍然堅持，只是每人方式不同，「留低嘅就要堅持」。
兩人本來曾談婚論嫁，但捲入暴動案後，莫自言「人生好似停頓咗咁，冇可能有任何規劃，唔可以搵長工，就算想買iPhone都唔會買，可能只係用三個月。𠵱家都唔會諗結婚，唔想結完婚分開六年」。莫稱裁決前一晚難以入睡，「好想把握最後嘅時間咁，喺度碌電話上網，唔捨得瞓」。他們滿意裁決，不過仍擔心律政司會上訴；現時最想回家餵貓，余更興奮地說：「我哋可以養多隻啦！」