紐約市皇后區一間由港人開設的小店「榮叔西餅」算是紐約市唯一願意表態的「黃店」，疫情下幸得港人大力支持才能捱得住繼續經營，無懼「藍絲」打壓。
「榮叔西餅」開業八年，有46年造餅經驗的70歲李炳榮（榮叔）是餅店「揸fit人」，與太太及兒子阿翰一同經營。阿翰稱今年3月疫情殺到，店舖被迫停業兩個多月，即使5月中重開，每日生意額僅得100至200美元，「連交租都唔夠」。
對於政府處理疫情手法，阿翰認為最初的確應對太慢，但其後有封關，「好過香港死都唔封」，他直言疫情肆虐不能全怪政府，故他仍會投票予特朗普，「起碼佢講得出、做得到，有制裁香港官員」，反指民主黨候選人拜登有醜聞之餘，對香港事務似是不聞不問。
榮叔支持特朗普制裁香港官員，「我喺大陸出世、香港長大，我愛香港有咩問題？」他稱放置「香港加油」擺設是兒子意思，無懼壓力，「你入來買我啲餅，唔係買我裝飾，唔可以禁止我思想」。自去年7月表態後，不少內地人或「藍絲」港人向他們表達不滿，生意大受影響，幸好早前當地港人網上組織發文披露該店屬「黃店」，不少港人特意前來支持，現時生意額終回復疫情前水平。
■記者鍾雅宜