現年39歲的姚子羚去年5月被《蘋果》獨家爆戀上蔡宛珊的前夫Raymond，當時Raymond被爆與蔡宛珊在分居期間仍想復合，同時陪圈外「二奶」年初二睇煙花之餘，又跟姚子羚蜜遊泰國，兩人還有床照流出，一腳踏三船。
有指，姚子羚早已得悉四角關係，但為脫第三者污名，當日接受傳媒訪問時，即「斬纜」宣佈跟Raymond分手做回朋友，又強調兩人交往時，Raymond跟蔡宛珊已分居一年多，更承認與蔡宛珊相識，對方亦知道她與Raymond交往過。不過事隔還未夠一年，姚子羚似乎已成為多角戀終極贏家，今年初不時被影到與Raymond飯敍，4月時二人更被《蘋果》影到一起食晏，當日Raymond的媽媽亦有出現，兩人似乎已經復合兼見家長。
