國際足協（FIFA）禮拜二宣佈，50歲嘅會長恩芬天奴確診武漢肺炎。聲明話佢有輕微嘅病徵，目前已進行為期10日嘅自我隔離。早喺7月，有媒體爆出恩芬天奴涉嫌同前瑞士檢察總長勞貝爾有枱底交易，指喺瑞士當局正調查2018同2022世界盃FIFA涉嫌受賄舞弊嘅指控過程中，有妨礙司法公正之嫌，但最終事情不了了之。