愛華頓禮拜日作客0:2輸咗畀修咸頓，今季不敗金身俾人破咗之餘，盧卡斯迪治尼仲直接領紅提早番更衣室，講到明會上訴嘅領隊安察洛堤上訴得直，賽會喺禮拜二宣佈將刑期由3場減少到得番1場。英超獨立監管委員會經過調查後，宣佈三場停賽嘅刑罰係「過於嚴苛」，所以決定將刑罰減少兩場，變相迪治尼領紅後只需停賽一場。