【本報訊】特首林鄭月娥早前接納司法人員推薦委員會推薦英國最高法院副院長賀知義勳爵（Lord Patrick Hodge）為終審法院非常任法官，立法會昨討論有關推薦，卻演變成爭拗香港有沒有三權分立。新民黨主席葉劉淑儀聲稱英國也沒有三權分立，香港所謂三權分立只是英國以「茅招」向港人洗腦。法律界議員郭榮鏗指葉劉無知，稱有大量案例可證，「佢來我辦事處，我隨時印畀佢。」
立會「資深司法任命建議小組委員會」昨開會討論賀知義任命，郭榮鏗發言時提到，香港有很多案例指出，香港是行三權分立，對特首突然指香港沒有三權分立，影響香港國際形象。
葉劉淑儀聞言即反駁，香港從來沒有三權分立，揚言連英國也沒有三權分立，英國在1997年前想向港人「洗腦」，指香港有三權分立只是「茅招」，以往有判詞指香港有三權分立只是法官的「附帶意見」，又自言非常欽佩賀知義的法律基礎，「因為佢係蘇格蘭人，佢係讀Roman Law（羅馬法），蘇格蘭嘅法律係Roman Law，我諗呢間房只有一個人喺蘇格蘭讀過書，嗰個就係我，我roommate（同房）就係讀Roman Law。」
葉劉更向郭榮鏗挑戰，指看過《Rule of Law》一書，「我完全睇唔到有一段話：司法獨立要有三權分立才可以實施。如果佢可以搵到一句係咁嘅理據，我請佢食飯，我相信佢搵唔到。」郭榮鏗即批評葉劉提出香港沒有三權分立的說法是無知：「佢無知，我唔怪佢。但唔好知少少，扮代表。呢個係我對葉劉淑儀嘅忠告，如果佢唔識得乜嘢係三權分立，我有一堆案例，佢來我辦事處，我隨時印畀佢，highlight畀佢邊啲係重要部份，大家交流……如果你反對（賀知義的任命），你咪出聲反對，唔好講自己對憲法嘅所謂睇法，慳啲啦！」最終委員會亦通過賀知義的推薦。