曾經參演《國產凌凌漆》等電影的綠葉演員梁克遜原來於三年前因前列腺癌病逝，享年78歲。《蘋果》前日聯絡梁克遜幼子Vincent，他表示：「佢喺2017年8月已離開，但我相信佢會好開心有人仲記得佢。我只係一直保留佢嘅號碼，作為同佢朋友嘅聯繫。」
梁克遜生前拍過無數廣告及影視作品，包括「你精我都精」的竹葉青和人人搬屋經典廣告，也曾演出《精裝追女仔》、《最佳拍檔女皇密令》等逾70部電影，最經典的是《國產凌凌漆》的「走私大王」賴有為。問Vincent可知父親最愛哪部作品？他說：「佢冇話特別鍾意邊部，不過間中都會提吓《國產凌凌漆》同《精裝追女仔II》，我爸爸鍾意拍戲，但又唔係話想做明星嗰種，佢話過自己半途出家，好enjoy呢份工作。」