早前因傷缺陣近四個月嘅曼城前鋒阿古路，上星期六作客韋斯咸嘅時候有份正選上陣，但就再次因為肌肉受傷而要退下火線。領隊哥迪奧拿星期一證實，呢位阿根廷前鋒雖要休戰2星期甚至1個月，哥帥坦言希望阿古路完全康復先至回歸，換言之佢將會缺席11月8號對利物浦嘅英超賽事，對於藍月亮嚟講絕對唔係好事，不過好消息係後衞拿樸迪已經可以隨隊出賽，起碼加強番佢哋嘅後防兵力。