何雁詩和鄭俊弘（Fred）於下月7日結婚，近日有網民發現兩人的咀嘴婚照，竟成為兩架九巴的車身廣告，相當吸睛，廣告更刻意安排在巴士路線117，配合兩人的婚期。
有網民恭喜一對新人，但亦有人給負評指：「九巴幾時做埋花車呀？」、「使唔使咁誇張呀？」由於該路線巴士行經西九龍中心，有網民將兩人的廣告與早前被下架的西九龍中心外牆的性感卡通海報相提並論，留言：「唔知前區議員會唔會又投訴？」
而何雁詩亦有把巴士廣告相貼到Ig限時動態，至於是何人出錢落廣告，她昨日回覆傳媒表示：「係Fred嘅粉絲呀！」對於有網民給負評，她EQ甚高說：「冇得介意，多謝粉絲嘅禮物，好有心思。」
