許鞍華早前獲得威尼斯終身成就獎，其執導的紀錄片《好好拍電影》前晚於尖沙嘴舉行首映禮，首次當女主角的許鞍華笑言不想被放上神枱：「攞咗終身成就獎，仲做埋女主角，大家睇完可能覺得我喺神枱碌返落嚟，套戲幾搞笑，拍時又冇劇本，好自然，當咗我係周星馳咁拍。」她指對導演唯一要求是在初剪時看片，因為怕自己講錯說話得罪人。提到香港電影金像獎延期一年舉行，她表示失落但也明白情況。
另外，同場的林家棟憑電影《手捲煙》角逐今屆台灣金馬影帝，頒獎禮下月21日於台北舉行，家棟對有份入圍感意外：「其實我覺得最大機會係導演同武術指導，拍嗰陣有場戲俾火屎入眼，當時有兩個鐘休息，我即刻去睇醫生，再返去拍。」