麥包於娛圈出道至今33年，1987年透過《超級新星大賽》落敗後加入無綫藝訓班，成為第一代兒童節目主持人，之後離開兒童組正式做演員，麥包曾經參演近百部劇集，演出不少重頭劇如《西遊記》、《陀槍師姐》系列、《壹號皇庭》系列等，但多數扮演不起眼配角，直至10年前他獲得金牌監製李添勝賞識，參演台慶劇《巾幗梟雄之義海豪情》（上圖）演「梁非凡」一角，終踏上頒獎台獲得台慶最佳男配角獎項。
只是獲獎後高峯不再，麥包2016年初拍完《愛．回家》即被公司投閒置散，當時曾心灰表示：「懷疑自己係咪冇咗價值，做戲唔得又或得失咗人，唔知點算。」同年與無綫完約，後來又與滕麗名和江美儀主持《街市遊樂團》系列，並主動改為部頭合約，直至去年四月才正式離巢，結束與無綫32年賓主關係，自由身後過檔ViuTV和同樣離巢的金剛合拍《C9旅行團》，早前參與真人騷《中佬唔易做》，口碑不俗。