邵佩詩連月嚟喺台灣拍節目，雖然噚日係「霜降」節氣，即指天氣轉冷，但佢依然喺社交網貼出着三點式泳衣相片，喺清涼氣溫下帶嚟一啲火辣感覺。
43歲「電波少女」梁雪湄最近無懼疫情飛到泰國曼谷隔離14日，隔離出關後，佢即轉飛蘇梅島大解放。佢喺當地入住六星級豪華酒店，仲喺fb貼出着泳裝享受陽光浴嘅相。
陳瀅日前度過31歲生日，一班好姊妹蔡思貝、陳嘉寶、賴慰玲、何雁詩及吳嘉熙同佢慶祝，各人幾乎全部着黑衫令陳瀅成為「一點粉紅」，女仔果然係細心啲。
疫情緩和新戲陸續上映，劉德華主演《熱血合唱團》同《拆彈專家2》將會喺下月同12月上映，自己打自己。華仔同青雲喺《拆2》係相隔18年再合作，老朋友聚首無所不談。
馬國明近日同唔少女演員拍新劇《兒科醫生》，包括鍾嘉欣、周家怡、龔慈恩及郭少芸等，馬國明被眾女圍住合照，艷福無邊，難得係連女朋友湯洛雯都讚好。