黃宗澤（Bosco）近日忙於拍攝邵氏網劇《飛虎3之壯志英雄》，劇中他跟陳瀅扮演一對，有火辣感情線，而兩人合作後十分投契，劇外同樣不時孖公仔出現，連日來他們更拍片晒「恩愛」。在其中一條片入面，見Bosco用自己肖像的紙牌遮着陳瀅的靚樣，而她則放下靚女身段扮蟹跳來跳去，結果兩人玩到不斷狂笑，表現相當親密！
在另一片段，身為陳瀅好姊妹的劉佩玥客串上鏡做主持人，一起做直播。Bosco提到之前跟劉佩玥在劇集《幕後玩家》中有連場咀戲及床戲，而今次他跟陳瀅在《飛虎3》的親熱戲會更加激烈：「滿身都是傷，經過那場戲之後都受傷了。」其間陳瀅又隨手拿起一杯檸檬茶飲，Bosco表明是他的，但陳瀅全不介意飲「口水尾」，亦無懼武漢肺炎，難怪網民指兩人表現曖昧。