【本報訊】堪輿大師龍景銓，自上世紀70年代已為滙豐擔任風水顧問，中環滙豐總行風水都由他佈局，2015年滙豐在港成立150周年，總行面向皇后大道中增添兩隻石獅子，亦由他計算擺位。據資料顯示，曾蔭權任特首時，他亦曾為禮賓府睇風水。
龍師傅當時透露，英國人比中國人更信風水，滙豐總行位處太平山其中一條龍脈穴位，屬「倒騎龍」格局，風水相當好，對着皇后像廣場一邊其實屬滙豐總行後門，「以前未填海，前面冇嘢阻擋，叫做海光入煞，所以要擺兩隻銅獅子擋煞」。
對於滙豐擇日昨天為銅獅開光，術數家蔣匡文表示，農曆9月是天罡月，天罡月是「麻麻哋」，早一點或遲一點月份較佳。根據「建除十二神」，昨日是「建日」，有重新開始意味，但一般而言，擇日很少揀「建日」，因通常帶點煞氣，他相信滙豐決定，「係用煞氣來撞日子，呢啲叫『鬥煞』，鬥煞即係你惡，我比你更惡！希望可以頂住太歲。」
惟他個人認為選此日開光，滙豐股價會非常波動，「如果按照我嘅擇日方法，就唔好意思啦，今日（昨日）係比較凶險。」
龍景銓昨在獅身眼、額、舌、爪等點上硃砂，蔣解釋是傳統開光儀式，「係幫隻獅子開光，代表佢有神明附體，有力量，以前唔好嘅嘢洗咗佢。」