【本報訊】從「惡晒」到「因航」，國泰航空陪伴香港翱翔74年，如今卻與香港變成命運共同體，同步衰落。有蒐集國泰飛機模型10年的航空迷慨嘆，「好似你追緊嘅明星走咗去吸毒，自甘墮落咁」，認為紅色資本滲透是國泰致命傷，「同香港一樣返唔到轉頭。」
24歲飛機迷Jack逾十年前開始節衣縮食蒐集飛機模型，數到心水航空公司，國泰總佔一席位。Jack解釋，國泰代表的是一段香港歷史，「好有歸屬感，你旅行返嚟坐國泰，聽到講廣東話嘅crew（機組人員），會覺得自己真係返緊屋企。」
國泰自2003年開始舉辦「飛躍理想計劃」，招募香港學生參與培訓。Jack 2014年參加過該計劃，同年國泰贏得「年度最佳航空公司」大獎，是國泰第四度得獎，「到𠵱家都只係短短六年，又要裁員，一半飛機又擺晒沙漠，其實都幾大落差。」他搖頭嘆喟：「必然嘅，同香港𠵱家狀態一樣。」他相信國泰的衰亡始於股權逐漸染紅，「慢慢溝淡、稀釋，原本可以自己決定未來發展，𠵱家變咗俾人左右你決定。」
未能擺脫「魚翅」情意結的還有留家廚房主理人劉晉這位粉絲。除了是國泰常客，他亦收藏近60盒國泰飛機模型，數年前更與國泰合作設計飛機餐。國泰被武漢肺炎「感染」得體無完膚，劉晉明白企業於疫潮下生存很困難，但他認為管理層考慮出路時要以人為本，多諒解前線，思考管治方針應否有轉變。
劉指出，國泰不僅是一間商業機構，更是背負香港人身份的企業，「國泰好似香港縮影」，應保持着重服務、追求質素等價值觀，別讓一些港人相信的價值消失於無形。