【本報訊】年輕男土木工程師疑控制慾強兼妒忌心重，不滿升讀大學的女友參加O camp，威脅公開兩人的性愛片段；並疑不忿女友提分手，在巴士狂插對方33刀致死，案件昨在高院續審。庭上播放死者生前與被告的錄音對話，被告稱O camp「聲名狼藉非空穴無風」，擔心死者被「抽水」；死者則不滿被告「太chur」令她「唞唔到氣」，更謂「難保有一日你好憎我」，做出損害她名聲的行為。
被告吳欣鍵（25歲）被控2017年9月16日在柴灣一架118號城巴上，謀殺20歲女友李倩姮。
被告案發當日凌晨錄下多段與死者之間的對話，控方昨播放有關錄音。被告稱已將做愛的片段和相片存入記憶卡，並已交給死者，死者回應「係，不過我唔知有冇backup」。被告否認，但死者仍語帶質疑表示「唔知呢」，並謂「難保你一日再黐線，你都唔肯去面對自己嘅問題，以為自己控制到」。
兩人接着均稱互不信任對方。雖然死者強調已刪除被告威脅她的錄音，但被告質疑死者「似乎留有一手」。死者反駁指「你都好似留有一手，難保有一日你好憎我」，被告即打斷問：「例如？」死者謂被告或會做出損害她名聲的事，或者「偽造啲嘢擺上網」。
被告不斷要求死者聲明已刪除威脅錄音，同時自願為此再錄音作證，揚言若威脅錄音被流出，必然是透過不法途徑所得。死者不明所以，多次反問：「乜嘢呀？噏乜嘢呀？delete咗點出現，好煩呀。」被告解釋，不法途徑所得的證據不受法律認可，死者語帶諷刺說：「以為講完就唔係？」被告又要求死者同意所謂「威脅」只是無心之失，但死者拒絕，稱：「唔係，你有心，不過我選擇原諒。」
此外，被告提及近年新聞經常報道大學生O camp意識不良，認為「聲名狼藉」並非「空穴『無』風」；他坦言「帽就唔會」，只是死者長得比較「危險」，擔心她會被「抽水」。死者一度問難道大學O camp真如被告所言，被告稱「係，仲有毛毛蟲㖭」，樹大有枯枝，男人堆中必有人比較淫賤。
死者及後堅持參加O camp，被告不滿她違反承諾，死者亦不滿指「你諗嘢嘅方式令我好chur，我少少唞唔到氣」，雙方無法達成滿意的共識。
案件編號：HCCC329/18