教緊格拉斯哥流浪嘅謝拉特踢波教波就叻，投資方面好似就麻麻地，事關佢擁有一間叫Angel Revive嘅礦泉水公司，而呢位前紅軍隊長喺過去幾年一直都有喺ig宣傳，話呢種水含有礦物質同埋電解質，可以促進人體健康。只不過從呢間公司最近嘅賬目顯示已經欠債93萬鎊。不過謝拉特都唔使咁灰，事關上周六佢帶領嘅格流就作客以2:0擊敗死對頭些路迪，喺蘇超積分榜上領先。