疫情後首個演唱會「達明一派REPLAY意難平/神經LIVE」，將於下月13日起假伊館舉行，昨日黃耀明回覆《蘋果》說：「我哋想將達明一派嘅八張專輯，每張由頭到尾玩畀大家聽，但今次只玩到《意難平》同《神經》兩張專輯。」演唱會原定去年11月舉行，遲了一年，他說︰「香港人悶咗好耐，REPLAY有艱難中尋找快樂心情同力量，亦有重拾玩樂、玩音樂嘅意思。」
對於選擇在伊館開騷，黃耀明說：「因為玩整張專輯，可能死硬派先有興趣由頭聽到尾，一直諗book細場地，限聚令只能開一半，大家要好乖遵守防疫措施。暫時開六場，唔知有冇加場空間。」由於是自資，下周三開始賣飛，他呼籲大家支持。