終於吐氣揚眉連中兩口，全北汽車亦都順利過關，嚟緊韓職護級及爭標組形勢非常刺激。今個周中未有韓職，但日本波就繼續快車，由於上周J1燈神上身，所以今個星期就轉吓手風，玩一玩J2（日乙）。
日乙有22隊，成季42場波踢，其實佢哋J1有咩分別，分別在於更加古怪！先嚟第一場，大家都識佢哋，曾經有段幾長嘅時間留喺日職，就係京都不死鳥。周三佢哋主場對北九州向日葵，向日葵排第三，不死鳥排第10，牌面就好似向日葵食硬你，偏偏就第10嘅讓波，外地亞洲盤不死鳥讓平/半，阿婆跑得快就一定有古怪，佢哋有件彼得烏達卡（圖），好撞得，向日葵身體質素上有段距離，都幾難招架。好彩佢哋自己本身攻力都唔錯，所以估兩隊都有波入，「大」嘅成數都好高，主隊上盤亦值得小注！
另一場就推介東京綠茵，前教練白生曾經係我哋香港隊主教練，自從炒咗白先生後，東京成套打法轉晒，一個字快，但防守就一般，對住磐田山葉，我曾經最愛嘅日職波衫球隊，呢兩隊都鬥攻，「大」就一定，平手盤主隊亦值得信心一票！
文：黃耀富
截稿前馬會尚未開盤，盤口僅供參考，讀者記得留意足智彩網頁。