王敏德同馬詩慧嘅細女王麗嘉近日同設計師男友打得火熱，心情靚靚嘅佢噚日喺Ig上載一張春風滿面自拍相。相中佢以黑色喱士bra上陣，大騷34D上圍，瞓喺床上嘟嘴，非常風騷。
岑杏賢（左）早排宣佈同圈外男友Kelvin拉埋天窗，咁啱今個月9號係佢32歲生日，雙喜臨門，好友楊秀惠前晚專程從馬來西亞返港同佢補祝。二人頭貼頭合照，楊秀惠留言：「終於能見面！」岑杏賢無名指就戴上巨鑽婚戒，認真閃爆！
湯怡近日開設YouTube頻道，除咗教人做瑜伽，又教人煮嘢食，最新一集邀請到方力申做嘉賓，兩人不時互寸，小方整芝士蛋糕雞手鴨腳，湯怡就窒佢：「又怕熱又驚油彈，你都係俾人照顧嗰啲嚟！」
舒淇因疫情已經超過10個月冇工開，前日佢公開一張喺桃園機場嘅相，戴齊口罩面罩，全副武裝準備復工。據知近日佢已打算返台定居，老公馮德倫亦會跟隨。
