本港社會運作逐步回復正常，但毛漢認為警方經常如臨大敵有如戒嚴，「好似10月1號，嘩，攞晒好似機關槍咁嘅嘢，喺個港鐵站行出嚟通街都係差人，係咪必要先？」歸根究柢，他覺得問題癥結是林鄭政府繼續以警隊解決政治問題，沒有修補關係，情況反映一個政府本質軟弱，亦深知民意傾斜向年輕人一邊，「如果係強大嘅政府，唔需要任何形式嘅 armed police（武裝警員）去企喺前面，佢可以自己面對。」
在香港土生土長70多年，他感嘆好像看到香港權力不再在港府手上，不宣之於口也幾乎人所共知「西環 is in charge」，「咁呢個好唔好呢？當然係唔好啦，我諗之前董建華、曾蔭權、梁振英年代都唔係咁，咁點解要行到呢一步呢？」
他曾向一些高官直言，現時社會更為兩極，但不見政府有行動去修補關係，與年輕人漸行漸遠。今年移民潮再現，他指人才、資金流失其實是香港「蝕底」，一個人若選擇離開家園，「一係唔愛，一係覺得冇將來，咁政府要自問，點解啲人要走？」
他知悉有些高官其實心底很在乎，但不能公開表達己見，因其身份只能遵從一切政策，這亦間接反映香港或許已不再是可以由衷發言之地。
當香港面對從來未遇過的難題，若要改變現況，他指可能有待特首換屆才會有不同處理手法，「我唔係話林太係一個衰人，可能佢唔可以推卻工作，但簡單啲講就係香港需要新血，要 a breath of fresh air（一口新鮮空氣）。」