上周六除咗英超默郡打吡戰，喺蘇格蘭亦有蘇超老廠打吡，由謝拉特領軍嘅格拉斯哥流浪以2:0擊敗些路迪，打破死對頭今季聯賽不敗身之餘，格流亦以9勝2和不敗成績繼續坐穩榜首，同些路迪嘅距離拉開到四分。作客嘅格流喺開賽九分鐘就由後衞高臣先開紀錄，到下半場又係九分鐘格流再入一球，入波嘅又係高臣，喺門前混戰成功補中為客軍奠勝。