上禮拜六中超爭冠組八強比賽，廣州恒大對河北華夏幸福嘅首回合出現爭議性判決，上半場18分鐘，恒大前鋒泰利斯卡一記射門「省」中身處禁區入面嘅華夏球員手部，但球證翻睇VAR後竟然冇判罰12碼，反而畀比賽繼續，由恒大去開角球。好彩恒大生性喺比賽尾段連入兩球，以3:1反勝華夏幸福，如果唔係輸畀黑哨就真係冇天理囉。