歐洲金童獎最後20強候選名單出爐，英格蘭由查頓辛祖同埋格連活特領銜共五人入圍，上季幫拜仁慕尼黑捧歐聯嘅加拿大新星艾方素戴維斯同埋辛祖多蒙特隊友艾寧夏蘭特（圖）同樣大熱。 其餘候選人仲有皇家馬德里兩位巴西新秀雲尼斯奧斯祖利亞同埋洛迪高高斯、今季轉會曼城嘅費倫托利斯、巴塞隆拿17歲新星安素法迪同埋啱啱取得法國國家隊處子入球嘅雷恩17歲金童卡馬雲加。