拜仁慕尼黑禮拜四德國盃首圈輕鬆闖關，雖然缺少大部份踢國際賽嘅球員壓陣，但有從巴黎聖日耳門新加盟嘅前鋒祖普莫亭（圖）發威下，主場以3:0大勝非聯賽球隊FC迪倫，殺入第二圈。上半場24分鐘，祖普莫亭接應右路地波傳送，禁區內快腳跟上鏟入，到36分鐘佢再博得12碼，由湯馬士梅拿操刀中鵠，戰至75分鐘，祖普莫亭喺禁區外拉弓再入波，協助拜仁3:0完勝晉級。