熱刺前鋒孫興民（圖）今季狀態大勇，原來佢除咗好波，仲係一個乖乖仔。話說近期有南韓傳媒報道，老孫投資咗170億韓圜（約1.15億港元）喺南韓整咗個佔地超過7萬平方米嘅體育公園，入面有2個標準足球場同2個5人場，仲有跑步徑㖭。有傳媒爆料話原來係老孫爸同老孫提議用筆錢嚟投資國家嘅足球發展，結果老孫就決定起一個體育公園，認真聽話。