周柏豪去年7月呼籲登記做選民，觸動小粉紅神經發動狙擊，有傳原有份參演無綫台慶劇《使徒行者3》的柏豪，在劇中「離奇消失」。柏豪昨日在銅鑼灣出席活動，他說：「套劇我只係客串兩組，得十幾秒，戲份已經冇得再cut。」他又表示明年將跟無綫合作拍攝多套劇。
提到此事讓人聯想到之前的政治風波，柏豪說：「都明嘅，社會同娛樂圈發生咗太多事，係會令人聯想嘅，放心啦！」他又指之後會拍劇、開演唱會，並再三強調不會擔心影響自己內地的發展。提到好友楊千嬅也經歷政治風波，他說：「私底下都有閒聊幾句，大家會當呢個都係一個人生嘅經歷。」柏豪更指現時在網上的言論會深思熟慮：「𠵱家做每樣嘢都會諗清楚，因為隨時犯法、影響其他人、甚至影響自己將來同前途。」