黃錦燊拍過的電視、電影逾百部，但以《真情》飾演大情人「貓屎」令觀眾最難忘。他笑指扮大情人全靠睇《教父》和《鐵金剛》電影取經，模仿馬龍白蘭度和007。他說最難是諗對白︰「同期嘅林子祥同我出晒名，揸住劇本周圍問人呢個字點讀同乜嘢意思，我哋啲中文麻麻，只睇得明三份一，仲要拼音。」
論黃錦燊與林子祥最似的，還有留了超過半世紀的鬍鬚，他認為自己面形適合留鬚，所以一直保留。問黃錦燊可曾為藝術犧牲而剃掉？他指當年與岑建勳共同監製、由陳欣健執導的《平安夜》，是其唯一一次剃鬚，重提此事，他仍嬲嬲豬：「岑建勳同陳欣健夾埋呃我，話個角色要剃鬚，我剃咗之後睇番playback就反抗，開始留返少少鬚，因為根本冇必要。」