陳凱琳在7月底誕下細仔鄭承亮後，昨日首度現身公開活動，到尖沙嘴出席珠寶及翡翠拍賣記者會，見她身形已回復苗條，由於現時以母乳餵小朋友，所以連上圍都升cup。老公鄭嘉穎有沒有幫手照顧兩個兒子？陳凱琳說：「佢𠵱家開緊工，都比較忙，但佢放工返嚟都會幫我帶大仔去公園玩，又會照顧吓細仔。」問到追多個女還是會封肚？她笑說：「哎呀，唔敢講，順其自然啦，喺𠵱家呢個階段，我覺得要照顧咗佢哋兩個先，如果咁快諗第三個，我會覺得對佢哋唔住，老公都話睇我嘅。」
此外，有傳陳凱琳不與無綫續約，她強調自己跟無綫仍有合約關係。提到其生意拍檔、KOL雪姨以一炮過950萬元買入林燕妮的故居，陳凱琳說：「你問返佢，我真係唔知。」