上星期五終於正常啲，兩場重心雖然得大阪飛腳中，而湘南比馬輸半格，但都叫有得贏，而且過程上都係意料之內，日職嘅方向都叫回復正軌，所以周三繼續主打。
講日職前先整場歐國聯，當中大家都會留意啲重量級球賽，但我就睇中咗大家都期待已久嘅瑞超，講吓笑，瑞典先真。瑞典上周雖然輸畀克羅地亞，但表現非常出色，追和嘅一球仲好有技術同組織，球隊潛力幾高，周三作客葡萄牙，以葡軍上兩場表現都係一般，讓一球/球半，陰謀論，葡撻暫時夠分出線，重磅球員連搏西班牙同法國兩場，九成要唞唞，始終國家隊同球會都有默契，太公波冇理由用盡班球星，受讓一球/球半推介下盤。
返嚟日職，柏雷素（圖左）爾懷疑食錯藥，入得又失得，食住個勢上場同神户和牛夾埋有七球，前鋒奧隆加殺得性起，主場對浦和讓半/一，可能執半格都值投資，加埋紅鑽上場雖然補時階段絕殺贏1:0，但全場威脅唔多，仲要先失12碼，只係鳥棲砂岩射失，真係贏運氣，睇個勢柏市有望連勝四場，繼續追。另一隊就係神戶勝利船，周三就主場對大分三神，勝利船佛系嘅防守，令佢哋可以作客失四球，恩尼斯達話原來唔係巴塞先得，日職都癲，返到主場嬲嬲地，都要搵大分祭旗，大分又冇態，對水手下半場連失四球，全場我都有睇，毫無反擊能力，加上勝利船主場幾惡，亞洲盤讓半球，主隊落得大注，足智彩就只讓半/一，補個「大」就穩陣啲。
