今屆落選港姐廖慧儀參選前已被踢爆有圈外男友Sam，但日前被指撻着23歲節目主持孔德賢，Sam發現後在社交網警告男方不要再騷擾其女友，事後廖慧儀強調男友只是「飲大咗」，二人一切安好。
不過，Sam昨日凌晨在Ig自爆被飛：「同你一齊呢一年半，大大小小傷心嘅事我都陪你經歷過，喺你有低潮困難嘅時候，我從來冇離開過你身邊，而點會（解）你要咁樣對我，去報答我一年半對你嘅所有付出？我一直當你係一家人，點解要選擇因為一啲小問題而突然狠心離開我。」Sam更問廖慧儀是否因入了娛樂圈擴闊了眼界，回頭看覺得他甚麼都不是。Sam更貼出一張跟廖慧儀的甜蜜照，不過隨後他即刪走帖文。而廖慧儀前晚則在Ig上載單人瑜伽照及行山相，心情似乎未受影響。
