袁偉豪未婚妻與舊愛同時放閃　
張寶兒祝福岑杏賢「睇佢開心，自己都幸福」

苗僑偉（三哥）、馬國明、黃翠如、蔡思貝、袁偉豪、張寶兒、徐榮及莊思明等昨日在將軍澳為新劇宣傳，男主角兼新手爸爸林峯未有現身，但亦拍片以示支持。早前張寶兒在社交網宣佈被袁偉豪求婚成功，一對準新人昨日齊齊現身。

仍未習慣被叫做袁太

提到袁偉豪舊愛岑杏賢日前宣佈獲金融才俊男友Kelvin求婚成功，有指未婚妻與舊愛鬥幸福，袁偉豪認為只是外間的看法：「咁佢兩個生日差一日，又係舊愛，巧合啫！」他表示已為岑杏賢送祝福，亦替對方高興：「當然會祝福佢，最好就係祝福對方有一個好好嘅婚姻生活。 」準袁太張寶兒亦表示，兩人在人生路上曾經行同一條路，她說：「睇到佢幸福開心，自己都感到幸福。」

求婚成功後整整一年才公佈，問袁偉豪是否守秘密守得很辛苦？他說：「我哋唔能夠自私淨係分享自己嘅嘢，隨住世界、社會嘅轉變，終於可以分享好啲嘅訊息，咁等咗一年都忍得好辛苦。」他透露雖然婚禮因疫情關係，暫時未能落實，但直言會先註冊：「冇理由爭住。」張寶兒甜蜜地表示仍需時間習慣被稱呼為袁太。前日是張寶兒29歲生日， 她說袁偉豪也有準備驚喜：「佢本來話朋友都唔得閒，原本打算生日正日喺屋企買外賣，結果返到屋企突然發現原來朋友都嚟晒屋企。 」

三哥讚馬明靚湯登對

其後，三哥與馬國明齊齊受訪時提到林峯的愛女，三哥透露已看過BB照片，大讚B女很似林峯，三哥說：「不過𠵱家疫情關係，未有機會去探佢。」三哥又表示劇中演員近年已有不同經歷，笑指身旁的馬國明與世姪女湯洛雯拍拖，他鬼馬代老友湯鎮宗問兩人何時撻着？馬國明即怕醜指遲些再談，三哥說：「世姪女鍾意佢係啱嘅，兩個好登對。」馬國明早前接受專訪時，透露與女友同樣愛宅在家，女友還不時為他下廚，46歲的他又表明有意於50歲前成家立室。

此外，徐榮日前曾到過有人確診武肺的尖東帝苑酒店出席婚宴，他坦言緊張：「我哋成班同事都去咗做測試，噚日下午知道冇事。不過始終有潛伏期，所以我喺屋企都戴口罩，醫生話過多兩星期就最安全。」另外，莊思明被問到男友楊明因涉嫌拒絕提供血液樣本進行酒精呼氣測試被捕，上月初到警署報到時獲VIP式款待，她解釋只因有記者在場避免混亂，又指男友心情OK，現時專心工作。