「呢棟樓我睇住佢起，嗰時我喺東頭邨住，後來搬咗嚟呢度就住到佢拆。」現年82歲的陳婆婆，是邨內的活字典——曾經闖入僅一街之隔的「三不管」九龍城寨找無牌牙醫鑲牙，還在走廊與街坊決戰「四方城」時看着飛機在「頭頂」升降，「如果可以，梗係唔想搬」。
乘升降機到10樓，爬上兩層樓梯，是陳月容婆婆的家。這個約300呎的單位，只有一間木板間房間，上面配以塑膠通花。屋內的格仔地磚、暗紋牆紙和天花，是當年入伙時鋪設，多年來只作簡單修繕，歷久常新。「呢度嗰時有七個人住，好迫夾，上下格床，張床拉出嚟又一級咁。」陳婆婆年輕時是個校工，50年代在石硤尾木屋區居住，「大火燒咗六條村，我哋仲擒上屋頂睇火」。大火後，她與丈夫帶着五名子女獲安置至黃大仙東頭邨13座徙置大廈，至1974年美東樓落成後翌年搬入，是美東樓首批入伙的住戶，那時是全港最細屋邨。
她憶述，美東樓環境較徙置大廈乾淨，但租金就貴得多，「當年13座大概14至18蚊租，呢度（美東樓）就225蚊租」。當年孩童常在走廊玩耍，糖水定必要「煮多啲」和鄰居分享，「以前喺走廊開兩枱麻雀，好熱鬧」。
昔日與美東樓一街之隔的，正是罪惡溫床九龍城寨，「美東邨全盛時期係有城寨嘅時候」，老街坊面無懼色，「三不管好太平㗎喎！唔會搞搞震。入面好多道友，但唔會搞我哋」。她形容城寨內像個迷魂陣，「入面咩都有，賣白粉、工廠都有。好難搵到路出嚟」，城寨也有不少無牌牙醫，「去過鑲牙，好平」。
除了城寨，還有啟德機場「帶旺」整個九龍城，有不同國籍的旅客、空服員出入。住頂樓的她，更親歷鐵鳥近距離升降，「好近㗎，飛機喺頭頂飛落嚟，一路飛上去鯉魚門（方向）。啲人話夜晚好嘈，我又唔覺得嘈」。
城寨與啟德機場至90年代先後清拆和停用，九龍城和美東樓變得靜寂，「（城寨）拆嗰時用個大錘嚟撞啲牆，好犀利，我就喺屋企個窗度睇」。現時城寨已重建成公園，機場跑道變了地盤，九龍城也多了「插針」般的高樓。距離調遷日子將近，亦因即將要做眼部手術，陳婆婆已收拾好屋內大部份雜物，但與街坊大戰四方城的兩張麻雀枱，則以布袋仔細包好，「無再喺走廊打牌喇，張枱留返等仔女同啲孫返嚟食飯用」。