楊紹鴻今年8月起找來好友江美儀一起主持香港電台節目《一起走過》，邀請昔日曾合作的藝人好友細談往事，包括鄭伊健、鄧萃雯、張衞健、陶大宇等。日前楊紹鴻接受《蘋果》訪問時透露因患病才有這構思：「舊年check到身體有唔同嘅問題出現，後腦有個良性瘤、心臟有條血管窄咗、肝又有事，我會從容面對！」他又大爆：「我同Dicky（張衞健）講想做個咁嘅節目，問佢嚟唔嚟撐我，佢話唔嚟都唔係人啦！我聽到好開心。」
楊紹鴻稍後將到泰國長居，並已在當地置業。「我鍾意呢個地方，我覺得嗰度嘅風土人情好好，生活水準又平，香港使一年嘅錢，喺泰國可以使兩至三年。本身我打算今年6月搬去，但因為疫情，我返唔到去，我攞住一個退休居留嘅簽證，但泰國仲未畀呢個簽證入境，𠵱家我住咗半年酒店，差啲去領事館跪佢哋畀我入境。」