香港知名漫畫插畫家林祥焜同深水埗一間商場，合作製作六幅女性漫畫巨型戶外廣告，即時引嚟唔少人話廣告低俗、文化沉淪同教壞小朋友等。噚日民建聯深水埗議員劉佩玉聯同幾名家長到商場請願，話外牆廣告人物衣着暴露，擺出不雅姿勢，擔心子女被不良意識誤導，要求商場將廣告下架。
其實嗰幾幅廣告不外乎係一啲低胸衫、露下腿同手嘅少女漫畫人物，如果講不良意識，網上大把，現在小朋友、年輕人手機不離身，要學壞唔使睇呢啲！林祥焜喺佢個人fb專頁亦轉載報道，仲以輕鬆態度留言︰「我幾驚冇人幫手宣傳！多謝都嚟唔切！下一步封沙灘泳池，捉晒啲三點式女泳客佢，好嘢！」有網民留言話︰「不如禁晒香港所有女性底衫褲嘅廣告！」林祥焜又同八方講，類似投訴情況以往都有發生，其實每次廣告上架前都會交畀淫褻物品審裁處，過晒先出街，班人不知始末就鬥呢件事，咪等同間接鬧政府部門！
李八方