現年32歲的張惠雅（Regen）原來先後經歷過六段戀情，全部都是不歡而散，早前她接拍ViuTV節目《吃掉前男友》時剛巧跟圈外男友分手。剛失戀的Regen為情消瘦，僅剩88磅，幸被嘉賓張慧儀一句點醒：「佢話：『每個人都好奇會唔會遇到自己真愛？有嘅，但唔一定係男朋友，嗰個就係我嘅養子。』呢一句點醒咗我，原來屋企人、好朋友，甚至隻狗，嗰種愛係可以取代我缺失嘅嗰樣嘢。」
Regen曾傳介入張景淳與宋雙佳戀情及私會舊老闆薛世恒，Regen對傳聞都感到委屈：「每一單話我係第三者嘅都唔係真，我係一個勁呷醋嘅人，我覺得做第三者都係一個好勁嘅人，因要接受到個男仔同人分享，我係有精神上嘅潔癖。」