阿仙奴喺轉會窗關閉前最後一分鐘,以4,500萬鎊(約4.5億港元)由馬德里體育會買斷加納中場湯馬士柏迪(圖)嘅合約,惹起馬體會不滿。法甲聖伊天亦批評阿仙奴處理轉會文件時延誤,令佢哋想再借用中堅威廉沙列巴一季嘅交易告吹。另外,有傳阿仙奴決定向將扮演吉祥物「清潔龍」長達27年嘅員工Jerry Quy辭退,奧斯爾就話,只要自己仲係阿仙奴球員,就會為球會承擔「清潔龍」薪金。