從前的藝人最怕撞衫，如今科技發達「易容」app技術突飛猛進，撞樣比撞衫機率更高。擁有可能是全球「撞樣」率最高的「無國界臉」歌手張敬軒，繼去年特意招募與自己「撞樣」的各界奇人異士組成「冚家軒」後，前晚他在Ig分享《2020冚家軒國際展覽會特約：瞬間看「巨」頭》自嘲一番。
近年張敬軒玩得越來越放，不時在Ig寫上搞笑hashtag自娛，由文質彬彬的書生轉走幽默諧星路線。前晚他分享歷來被指與他「撞樣」的人物，結果足以讓全球軒迷震驚。由即將榮升媽媽的女神倪晨曦、南非騎師麥偉利至撐警藝人肥媽，皆榜上有名，最令人驚訝的是，張敬軒竟然與emoji「撞樣」，認真令人嘖嘖稱奇。
張敬軒在hashtag表示：「自從泰國捐精之後，我好似周街都會見到我自己！」之後問人：「你明唔明自己會喺街度撞到自己嗰種驚法，我就嚟撞樣撞到上月球㗎喇。」他又反問自己「究竟我仲要似幾多人」及自嘲「撞樣界巨頭，瞬間看巨頭。」最後還留言：「睇完個po我覺得自己有面盲症。」不少網民紛紛留言與他開玩笑：「日日咁撞法？你見唔見暈呀？」、「大佬你直頭跨次元撞樣」、「期待你同AV男優撞樣」、「聽講撞到一樣嘅自己係件好靈異嘅事」。
其中一位「冚家軒」隊員、今個月底便是預產期的倪晨曦亦忍不住留言謂：「現在有點擔心我的BB會不會和你撞樣」張敬軒即鬼馬回覆：「細思極恐」阿Sa則大爆「記唔記得我哋去尼泊爾嗰陣都係……」軒仔即回應：「喂，唔好講俾人知吖，諗吓都驚。」
經常被指是「無國界臉」的張敬軒，其實很樂於與fans齊齊自嘲自娛，之前就試過男扮女裝，頭頂牛角包扮「妙麗」愛瑪屈臣（Emma Watson），日前他玩一個變肥仔app，易容效果竟然與肥媽相似度達90%，隨即被網民瘋狂恥笑，他搞笑稱要刪app洩憤。不過轉個頭，今次他直接整個撞樣特輯出來，認真識玩。