鄭中基為圈中極少數勇於發表個人意見的藝人，不平則鳴，現擁一子一女的他，更特別緊張香港的教育制度，過往曾數次公開直斥當中的不是。2018年4月教育局評審歷史教科書時要求修改「香港位於中國南方」、「中國收回香港」等字眼，鄭中基為此在fb直斥：「就教育局長嚟講，我只可以話一蟹臭過一蟹，以後啲真歷史我自己教返。」一個月後教育局的普通話教學配套資料中，收錄中大內地學者一篇提出「粵語非母語」的文章，鄭中基亦大為不滿，曾發帖批評：「點解連母語係乜都要問人？仲要問個講國語嘅人……你點樣做教育局長？你辭職啦！」2016年尾，時任教育局局長吳克儉跟反對TSA的家長代表會面被爆於會上說出：「今時今日家長唔滿意學校操練TSA，大可以唔去讀同轉校。」鄭中基爆粗斥：「咩教育局長會教家長咁做？家長們不滿、投訴、差不多跪求你取消唔理，仲喺度講風涼說話？『唔得掂』你個X樣係得嘅！」