導演楊凡昨日在灣仔會展為動畫電影《繼園臺七號》宣傳。有份為《繼》片聲演的林德信（Alex）、張艾嘉及陳果均有出席。早前金像獎宣佈明年頒獎禮延後至2022年舉行，有指陳果在活動上曾大罵離譜。昨日他接受《蘋果》訪問時表示︰「唔係離譜，我只係唔希望停辦一年。」陳果指近年一些新導演的非主流電影都能入圍甚至拿獎，即使一年只有20部戲都可以繼續搞，他說︰「我認為年年搞，可能一啲非主流電影會有機會，如果揀唔落手，獎項可以從缺。」
另外，張艾嘉與林德信在《繼園臺七號》中聲演夫妻，張艾嘉說：「戲入面Alex比我細20幾年，Alex配音表現梗係好，如果唔係楊凡都唔會畀佢pass。」楊凡執導的《繼》片由2012年開始製作，他說：「只是等上映都要等一年，前後搞咗七年。」他透露陳果聲演一隻貓，另外有一隻貓角色，由葉蘊儀及章小蕙兩把聲重叠聲演，電影預計11月5日上映。