藍絲口講愛國，但身體好誠實，除咗以走資投不信任票，唔排除都會嚮往美國自由空氣。對美國政府而言，豈能容許中共嘅黨員，自出自入？美國移民局兩日前突然發表政策指引，重申過往安排，話唔會批核共產黨員同其附屬組織中人移民到美國嘅申請，就令人覺得意有所指。黃之鋒就認為，喺偉大祖國做個勇敢中國人，唔應該只係中共黨員，香港建制派都應該一齊共享！
黃之鋒喺facebook分析，當「附屬組織」定義包括「獲提供、借出，或承諾提供任何金錢或金錢以外的支持」嘅組織，換句話說，民建聯、工聯會、新民黨等組織都應該榜上有名，甚至理論上應「政治中立」嘅高級公務員，相信個人同其家屬喺政策指引發佈後，移民美國只會難上加難。
學之鋒話齋，若要愛國愛黨又愛港，使乜移民美國？理應做個勇敢中國人，世世代代留大灣區！所以佢呼籲市民如發現任何「黑警、選舉主任、高級公務員及其家屬」有意移民美國，歡迎到美國移民局網站填寫舉報表格，之鋒話咁做係勸緊愛祖國嘅中國人唔好移民美國，明顯係維護國家安全嘅表現，希望國安公署唔會拉佢。早排中紀委機關報都發文，大鬧境外不是資產轉移天堂，警告送仔女去外國裸官涉及國家安全，之鋒𠵱家同中紀委做嘅嘢咪一樣！北京理應歡迎都嚟唔切！
李八方