2017年時共享單車一度成行成市，如今只剩下「藍色車」Locobike尚在營運，負責人程俊豪（Ken）分析，過往用家騎車時間多數為1.5小時，假日用戶八成都是使用單車徑，相信超級單車徑作為香港最長單車徑，有助鼓勵單車出行，故打算新路線啟用後，投放更多單車在上水和屯門。
為了先視察環境，其公司兩位同事Kenneth和Hassan早前實地試踩，Kenneth第一次用自己私伙車試車時「踩到爆胎」，補完再爆，結果要中途離場，第二次，二人騎Locobike由大埔到新田，今次沒有爆胎，但同樣見到不少單車與汽車爭路，險象環生，加上路牌指示不清，容易迷路。
Ken認為啟用初期，路況仍未理想，不太適合初學者，但會騎共享單車的，主要是初學者，故打算拍片，提示用家該路段的注意事項，減少意外發生。由於騎畢整條單車徑約需6小時，所需體能較強，「共享單車可以按自己能力，中途可以鎖返架單車，唔使一定要由馬鞍山，過咗上水之後可能要到元朗先還到車」，Ken承認共享單車難免會與傳統單車舖造成競爭，但其共享單車本身無法轉波段，傳統單車店出租的單車配置較高階，吸引長途用家，「如果係一大班朋友踩車，我哋啲車都冇咁多，佢哋都會去返單車舖度租」。