對於上水至古洞一帶單車徑斷續，北區區議會主席羅庭德估計是因為新界東北發展計劃，收地問題所致，二來單車徑由不同部門負責，施工計劃不協調，「呢啲超級單車徑已經係好突破框架咁去做規劃，不過好可惜咁樣爛尾」。他又指，現時單車徑籌備過程官僚，發展局負責規劃，卻由運輸署負責交通安排，以致決策過程拖拉。
羅庭德認為，超級單車徑定位偏向悠閒、康樂用途，未能真正便利北區居民日常交通。上水鄉郊地區居民出入很依賴單車，奈何現時卻欠缺貫通區內的完整單車徑，而北區的巴士線只有70K，走勻粉嶺至上水足足約45分鐘，相當費時。
早前北區區議會舉行會議，會上論及7月在坪輋路發生一宗致命交通意外，建議興建更多單車徑支線覆蓋上水鄉郊各處，但運輸署以人流及車流不足為由拒絕，「你點樣無啦啦喺一條冇單車徑嘅路段，可以chok到個單車需求出嚟呢？鄉郊地區單車徑係好好嘅樞紐，帶啲人去某個大站或交通交滙處，例如古洞雖然話會發展，但𠵱家仲有好多村落㗎嘛，燕崗、河上鄉等，村民可以踩單車到某個點再上車，咁都係解決交通問題嘅方法」。