【本報訊】「Lunch哥」李國永（David）昨日又出動，在多個地區「和你Lunch」。有中共喉舌傳媒翻舊賬，指稱他曾在網上發佈不雅圖片，David直認不諱，解釋當年使用過交友軟件，並向對象發送「鳥照」，但該相片只是由網上下載而來，強調事件你情我願。不過，他形容事件令自己有陰影，「𠵱家同異性傾偈都唔敢」，但會繼續抗爭。
下午2時半，「Lunch哥」抵達太古城中心，在商場中庭坐下閱讀《蘋果日報》。商場多名保安隨即上前，一度要求他停止活動，他反問保安「𠵱家睇《蘋果日報》係唔係犯法？」其後他繼續活動，有數人響應在商場不同樓層閱讀《蘋果日報》，多名保安駐守，有保安曾要求改變坐姿，以免阻礙途人。
活動期間，有一名年輕男子到場，指罵David不尊重其他抗爭者、在fb專頁刪除異見留言、性騷擾女抗爭者等，David未有正面回應。他事後接受傳媒訪問，批評對方所言的並非事實，「喺fb我都唔會亂咁講嘢，網上世界你又唔知對方係邊個，可能係警察甚至國安。」
《文匯報》昨報道，指稱David在網上發放不雅照片。David直認不諱，表示曾指於2017至19年使用一個交友軟件，「呢件事係雙方同意先做嘅，其實冇人知我係邊個嚟嘅本身，但我就儍吓儍吓，貼咗自己大頭相，𠵱家多人識咗就俾人摷返出嚟。」David解釋有關相片只是由網上下載，並非其「鳥照」，「如果真係我嘅話，我就唔可以好似𠵱家咁冷靜，可能已經上咗天台喇，抑鬱㗎喇。」他形容自己很「戇X」，現在會避忌，他說未來會繼續抗爭，「呢啲私事唔會影響抗爭。」