周日德甲，班霸拜仁慕尼黑主場鬥哈化柏林，上輪聯賽球隊半輪換下意外以1:4不敵賀芬咸，錄得2020年首敗，但球隊知恥近乎勇，上周中以3:2擊敗多蒙特贏得德國超級盃，士氣大增，今仗回到主場作賽，可敲讓球主客和的拜仁慕尼黑[-2]主勝。
拜仁除了贏下德超盃，更在歐聯頒獎禮成大贏家，當中羅拔利雲度夫斯基個人擸兩獎，成為歐洲足協年度最佳球員及最佳前鋒得主，今仗有望攻破哈化柏林的大門。雖然翼鋒利萊辛尼今仗因傷缺陣，但球隊亦有京士利高文和基拿比等多位進攻好手，加上防中甘美治近兩仗都有波入，球隊攻力不成問題。
另一邊廂，哈化柏林近況不穩，上仗更在主場以1:3不敵法蘭克福，事實上，球隊近3場輸足2場合共失9球，季前德國盃賽事更被德乙球隊布倫瑞克入足5足敗陣，證明球隊防守不穩。加上，球隊近六次作客拜仁未嘗勝果，相信今仗亦難逃大敗。
同日，奧格斯堡作客鬥禾夫斯堡。奧格斯堡近況不俗，今季兩戰全勝，上場更兩球淨勝前列球隊多蒙特，士氣大增；反之禾夫斯堡除上周中在歐霸附加賽不敵AEK雅典外，聯賽亦已連續兩場不勝，今仗讓半/一不看好，寧撐客隊下盤。
文：港生