巴塞隆拿喺周四西甲快車，10人應戰下作客3:0大勝切爾達。巴塞續由美斯、基沙文、菲臘比古天奴同安素法迪組成進攻線，而最搶眼竟然係年僅17歲嘅法迪，繼上周4:0大勝維拉利爾梅開二度後，今仗喺開賽11分鐘就建功領先1:0。雖然巴塞喺42分鐘中堅基文迪朗格勒兩黃一紅被逐，但換邊後，巴塞再憑對方烏龍波同沙治羅拔圖嘅補射，最終大勝3:0，開季兩連勝。