現年35歲的「怪談女」林熹瞳（Rachel）與拍拖三年、40歲任職腕錶品牌經理的何姓男友昨日於佐敦一教堂行禮，跟足20人的婚禮限聚令，讓親友分批進內拍照，Rachel說：「好慘呀！最令我震撼同打擊嘅係聽日放寬一半人，本來教堂可以容納200人，但今日就只係入得20人，我哋總共有60幾人，要換人入去影相，我覺得好對唔住佢哋，辛苦佢哋。」
Rachel笑指自己行禮時變喊包，她說：「斟茶都好開心，覺得自己係一個開心新娘，成日笑騎騎、掛住玩，但係一入到教堂就喊到收唔到聲，全程喺度喊，真係好失禮。」提到造人大計，Rachel說：「好趕時間㗎！年紀大喇！如果唔係趕住造人，婚禮都會延遲，因為自己都好想有小朋友，會生一個起兩個止啦。」問到她是否已開工？她說：「𠵱家寫緊100集編劇，一路寫一路造人啦！」