【本報訊】港版國安法實施三個月，猶如懸在頭上利刃，令不少港人一言一行變得小心翼翼。有支持反送中運動的YouTuber因表態失去收入逾九個月，現時雖依舊發聲，但坦承在網上出片前會自我審查剪走「過激」言論。亦有黃店一度拆去連儂牆自保，就算重新開放供客人留言冀捍衞發聲空間，惟客人下筆時亦已會自行「過濾」。
有不具名外媒駐港記者指國安法實施後，港人傾向噤聲。本報曾邀請多名YouTuber受訪，大部份均婉拒；有人一度答應，但受訪前一刻亦稱與家人商討後改變決定。經常用Rap方式諷刺時弊的YouTuber Sunny就透露，他跟網劇演員女友Creamy的網上頻道主打生活化題材，現照舊隔日出片講武漢肺炎、買《蘋果》、挑戰不用中國貨，緊扣時事，但直認使用字句要收斂，例如「話中國貨會爆炸，𠵱家我講完，會剪走佢。」
「黃店」花斑茶社西環店7月初跟隨大批黃店，僅用一個早上全數移除店內貼滿文宣的連儂牆。負責人Cherry坦言「當時嗰一刻就好似『出咗事啦，保住條命先啦』」，但拆下後望到空空如也的牆壁，感到相當可惜，於是近日決定重設連儂牆，同時發現不少客人下筆時會自行「過濾」，「好多客人好錫我哋，好激烈文字都冇寫落嚟。（心態）係冇變嘅，但可能用咗另一個方法表達出嚟。」
其他黃店如「和吧」和「咯咯雞」亦在國安法實施當日清除文宣，負責人透露，當日原不想拆走，但身邊朋友、律師、熟客均出言相勸，「大家唔想我有事。」文宣被清走後，「咯咯雞」店內餘下一幅空白便利貼牆，港人生活亦如文宣般一去不回，「香港已經變咗質，唔再係一個你想講乜就講乜嘅地方。」負責人形容，默默忍受有些事不能宣之於口，心裏總覺有條刺，但當荒謬已成日常，只能無奈地認為，「香港人要做嘅都做咗，點樣繼續生活？只可以話留有用之軀。」
至於公民黨沙田區議員黃文萱的辦事處內，曾因展示一幅反轉的「光復香港時代革命」旗而遭李梓敬舉報，有警方到場警告，若不移除就會拘捕，「7月4號議辦開張唔夠15分鐘警察就嚟到，拎住張紙朗讀，我堅持唔拎走，佢最尾抄咗我身份證離開；當時唔緊張就假嘅，但我覺得大家嘅恐懼要合理。」更認為政府助長舉報風氣，當有人篤灰而政府只聽從其中一方，只會令社會撕裂更加劇。
